एमालेद्वारा माक्र्सवादको सिर्जनात्मक प्रयोगः चीन
कान्तिपुर संवाददाता
बुटवल, फागुन ५ - चिनियाँ कम्युनिस्ट पार्टीका वरिष्ठ नेताहरूले नेपालमा माक्र्सवादको सिर्जनात्मक प्रयोग भएको टिप्पणी गरेका छन् । माओको देशबाट एमाले महाधिवेशनलाई शुभकामना दिन बुटवल आएका कम्युनिस्ट नेताहरूले एमालेले माक्र्सवादलाई नेपालको यथार्थतामा मिलाएर मौलिक प्रयोग गरेको धारणा राखेका हुन् । चिनियाँ कम्युनिस्ट पार्टीका उपमन्त्री लिउ होङ चाईले 'शान्ति प्रक्रिया र संविधान निर्माणमा एमालेले अपरिहार्य भूमिका खेलेकामा' प्रशंसा गरे । 'चिनियाँ र नेपाली जनताबीचको सुमधुर सम्बन्ध विकासका लागि यसले काम गरेको छ,' उनले भने, 'एमालेले यस क्षेत्रको शान्ति र स्थिरताका लागि योगदान गर्न सकोस् । हामीले द्विपक्षीय सम्बन्ध सुदृढ गर्न चाहेका छौं ।' चाईको नेतृत्वमा पाँच सदस्य टोली यहाँ आएको हो । उनले क्षेत्रीय अखण्डता रक्षाका लागि नेपाली जनताले गर्ने प्रयासमा चीनको साथ रहने प्रतिबद्धता जनाए । नेपालीले आफ््ना मतभेद वार्ता र समझदारीबाट समाधान गर्न सक्ने उनको विश्वास छ ।
महाविधेशनमा १६ देशका ४५ प्रतिनिधि सहभागी रहेको पार्टी विदेश विभागले जनाएको छ । तिनमा भाकपा नेता जेबी वर्दन, भाकपा मालेका दीपंकर भट्टाचार्य, श्रीलंका, रुस, स्विडेन, स्पेनलगायतका प्रतिनिधि छन् ।
मूख्य पेजमा फर्कन यहाँ थिच्नुस्
No comments:
Post a Comment